ثريد » كيف تسوّق لنفسك ؟ زيادة متابعينك في شبكات السوشل ميديا

كيف تسوّق لنفسك ؟ زيادة متابعينك في شبكات السوشل ميديا

في هذا الثريد ببسط فيه كل الأدوات اللي أستخدمته و كل الخطط اللي أتبعته حرفيا واللي خلتني أزيد في أربع أشهر أكتر من 15 ألف متابع مهتمين في مجال التسويق.

كل يوم بتزيد أهمية التسويق للنفس عن اليوم اللي قبله. لما تسوّق لنفسك تعرّف الناس على نفسك و مواهبك و أشياءك الرهيبة و تحصل على فرص جديدة ما فكّرت فيها و تتعرف على أشخاص رائعين ياخدوك على محمل الجد و يعرفوا إنك شخص أهل للثقة و المسؤولية.

قبل ما نبدأ عن التسويق عنّك! تعرف إنت إيش تبغى؟ و إيش تبغى تبيع؟ إذا ماعندك هدف واضح مبدئياً على الأقل ما رح تعرف إيش تعمل ولا كيف تسوّق لنفسك. مهم جدا تحدد هدفك.

بتكلّم مين؟ أتخيل شخصية كدا قدامك و إنك بتكلمها. دي أحسن طريقة عشان كلامك يكون موجه لدي الشخصية و الناس اللي يشبهوا دي الشخصية يجوك و يقرؤوا كلامك و يتفاعلوا معاك.

مافي شي اسمه أنا أبغى كل الناس تتابعني.

زبّط بروفايلك. عدّل البايو, الصورة الشخصية و صورة الهيدر و حط اسمك الشخصي. لا تكتب كلام ماله معنى و حكم مؤمن فيها. لا تحط صور مشاهير. احذف كل البوستات اللي مالها علاقة بهدفك

أختار 3 مواضيع تتكلّم فيها و لازم تكون لها علاقة ببعض. الله يخليك بدون شعترة. كل ما بتكون متخصص كل ما الناس سهل تعرفك و سهل تربطك بدي المواضيع. ما يحتاجوا يفكروا … خلي الموضوع سهل عليهم.

اكتب قصتك. إيش اللي خلاك تبدأ اللي بتعمله الآن؟ ليش إنت مهتم؟ إيش اللي غيرك؟ إيش اللي خلاك تحب تعطي اللي حوليك؟ وإيش الأثر اللي بتستنى إنه يصير و بتحارب عشانه كل يوم؟

حط خطّة محتوى كباترن لأسبوع واحد و كررّها كل أسبوع. شوف الصورة كمثال. أتعلّم كل مرّة من أخطاءك و عدّل عليها.

الصورة

حط أسبوعيا وقت محدد عشان تشتغل فيه على الكونتنت تبعك حسب الجدول اللي حطيته. طبعا تقدر تعمل أنواع المحتوى المختلفة زي البودكاست و اليوتيوب و الانستجرام. حسب وقتك و قدرتك.

تقدر تستخدم واحد من دي المواقع عشان يساعدك في جدولة المحتوى تبعك عشان ما تجلس كل يوم وتكتب و تضيع وقتك.

https://later.com

http://hopperhq.com

الاتنين مدفوعين و غير مجانيين تقريبا 55 ريال شهريا

استخدم دا البرنامج لتصميم البوستات تبعك

http://spark.adobe.com

اعمل موقع سريع خاص فيك بدون مصمم أو مبرمج. استعرض أعمالك و خبراتك و الأشياء اللي إنت مهتم فيها

http://squarespace.com

استخدم دا الموقع عشان تطلّع أفكار عن المحتوى

http://answerthepublic.com

لاتحط خطة مثالية ما تقدر تعملها و خصوصا في البداية

الاستمرارية هي الأداة اللي حتوصلك… شغل يومين وطفشت ما ينفع.

لا تطلب ريتويت.

لا تنشر أشياء شخصية.

خليك مفيد.
خليك معطاء.
علّم الناس و صدقني ما رح ينقص لا من علمك ولا من رزقك.
خليك إيجابي.
حط محتوى تفاعلي.
خليك إنت.

المصدر